ივანე სოლომონის ძე ბერიტაშვილი
26-09-2020

1906 წელს სიმწიფის ატესტატის გამოცდები ჩააბარა თბილისის მე-2 ვაჟთა გიმნაზიაში. იმავე წელს პეტერბურგის უნივერსიტეტის ფიზიკა-მათემატიკის ფაკულტეტის საბუნებისმეტყველო განყოფილებაზე შევიდა და სულ მალე მიიპყრო პროფესორ-მასწავლებელთა ყურადღება თავისი ნიჭით და შრომისმოყვარეობით. მესამე კურსზე ფიზიოლოგიურ ლაბორატორიაში პროფესორ ნ.ვედენსკის ხელმძღვანელობით ექსპერიმენტული საქმიანობა დაიწყო - რეფლექსური მოძრაობების ზურგის ტვინის კოორდინაციის პრობლემას იკვლევდა. მისი ამ პირველი მეცნიერული კვლევის შედეგები 1910 წელს გამოქვეყნდა.