მიმდინარე წლის 27 ნოემბერს, ივანე ბერიტაშვილის ახალგაზრდა მეცნიერთა კლუბის ორგანიზებით, სოფიკო ჭიაურელის სახელობის ქალაქ თბილისის 54-ე საჯარო სკოლის მოსწავლეები (მასწავლებლები - დალი კუპატაძე, ეკა ჭიჭინაძე) ეწვივნენ ივანე ბერიტაშვილის ექსპერიმენტულ ბიომედიცინის ცენტრს, სადაც მათ შესაძლებლობა მიეცათ გაცნობოდნენ ბიომედიცინის თანამედროვე მიმართულებებს და სამეცნიერო-კვლევითი ლაბორატორიების მუშაობას.

ვიზიტის ფარგლებში მოსწავლეებმა მოინახულეს შემდეგი ლაბორატორიები:

• რეოლოგიისა და დიაგნოსტიკურ-ანალიტიკური სერვისების ლაბორატორია;

• ქცევისა და კოგნიტიურ ფუნქციათა ლაბორატორია;

• თავის ტვინის ულტრასტრუქტურისა და ნანოარქიტექტონიკის ლაბორატორია.

ვიზიტმა კიდევ ერთხელ გაუსვა ხაზი მეცნიერების დანიშნულებას მომავალ თაობასთან დიალოგში — ინტერესის გაღვივებას, აღმოჩენებისკენ მისწრაფებასა და STEM სფეროებში მოტივაციის გაძლიერებას.