2025 წლის 20 ნოემბერს, ივანე ბერიტაშვილის ახალგაზრდა მეცნიერთა კლუბის აქტიური ჩართულობით, სსიპ ივანე ბერიტაშვილის ექსპერიმენტული ბიომედიცინის ცენტრსა და სსიპ გორის მუნიციპალიტეტის სოფელ ტინისხიდის საჯარო სკოლას შორის გაფორმდა თანამშრომლობის მემორანდუმი. მემორანდუმს ხელი მოაწერეს ივანე ბერიტაშვილის ექსპერიმენტული ცენტრის დირექტორმა, ქალბატონმა გვანცა ჭკადუამ და ტინისხიდის საჯარო სკოლის დირექტორმა, ქალბატონმა მეგი ხუციშვილმა.

შეთანხმება მიზნად ისახავს სიცოცხლის შემსწავლელი მეცნიერებების პოპულარიზაციას, მოსწავლეთა მოტივაციის გაზრდასა და მათი პრაქტიკული უნარების განვითარებას.

მხარეები ერთობლივად განახორციელებენ საგანმანათლებლო და კვლევით აქტივობებს, სადაც ახალგაზრდა მეცნიერთა კლუბი მნიშვნელოვან როლს შეასრულებს.

მემორანდუმი კიდევ ერთი მნიშვნელოვანი ნაბიჯია სკოლისა და სამეცნიერო ინსტიტუციას შორის პარტნიორობის გაღრმავების მიმართულებით და ახალგაზრდა თაობის სამეცნიერო განვითარების მხარდაჭერისთვის.