საერთაშორისო სიმპოზიუმი „თავის ტვინი და ნეიროპლასტიურობა“ და საგაზაფხულო სკოლა

ნანახია 403-ჯერ


2023 წლის 25-30 მაისს,  ილიას სახელმწიფო უნივერსიტეტის, ივანე ბერიტაშვილის ექსპერიმენტული ბიომედიცინის ცენტრისა და საქართველოს ნეირომეცნიერთა ასოციაციის ორგანიზებით გაიმართა მე-5 საერთაშორისო სიმპოზიუმი „თავის ტვინი და ნეიროპლასტიურობა. სტრუქტურული და მოლეკულური ასპექტები“ და მე-5 საერთაშორისო საგაზაფხულო სკოლა ოპტიკურ, ელექტრონულ და ატომურ-ძალოვან მიკროსკოპიაში.

ორივე ღონისძიება დაფინანსებულია შოთა რუსთაველის ეროვნული სამეცნიერო ფონდის მიერ. თანადამფინანსებლები:  ილიას სახელმწიფო უნივერსიტეტი, ივანე ბერიტაშვილის ექსპერიმენტული ბიომედიცინის ცენტრი, საქართველოს ნეირომეცნიერთა ასოციაცია, აშშ მეცნიერთა საპატიო საზოგადოება Sigma Xi და კარლ ცაისის ინსტიტუტი.

სიმპოზიუმში მონაწილეობა მიიღო 80  ქართველმა და უცხოელმა ნეირომეცნიერმა - ნეირომეცნიერების სხვადასხვა სფეროების წარმომადგენლებმა.

სიმპოზიუმზე განხილული იყო  შემდეგი საკითხები:

-    ნეიროპლასტიურობა და თავის ტვინის აღნაგობა/ულტრასტრუქტურა
-    ნეირონული და კოგნიტური პლასტიურობა
-    ნეიროპლასტიურობა და ნევროლოგიური დაავადებები
-    ნეიროპლასტიურობა - უჯრედული და მოლეკულური დონე
-    თავის ტვინი და მეტაბოლური დარღვევები
-    სუპერრეზოლუციური მიკროსკოპია უჯრედულ ბიოლოგიასა და ნეირომეცნიერებაში
-    კომპიუტერული ნეირომეცნიერება
-    კვლევები ნეირობიოლოგიაში: უჯრედული ხაზები თუ ცხოველები?
-    ნეირომეცნიერება და ეთიკა
-    ნეირომეცნიერების პერსპექტივები - მრგვალი მაგიდა

ახალგაზრდა მეცნიერთა სკოლაში მონაწილეობდა 20 მაგისტრი, დოქტორანტი და ახალგაზრდა მკვლევარი - სხვადასხვა უნივერსიტეტების და სამეცნიერო ცენტრების წარმომადგენლები.
ჩატარდა თეორიული ლექციები და პრაქტიკული მეცადინეობები შემდეგ  საკითხებზე:

-    ნეიროპლასტიურობის უჯრედული და მოლეკულური ასპექტები;
-    ნეიროპლასტიურობის მექანიზმები და რიგი ნევროლოგიური დაავადებები;
-    ელექტრონულ-მიკროსკოპული, ატომურ-ძალოვან-მიკროსკოპული, იმუნოციტოქიმიური და სტრუქტურული ნეირომეცნიერების სხვა ოპტიკური მიდგომები.


სიმპოზიუმის და სკოლის ვებგვერდია:  ​https://bnsma2023.iliauni.edu.ge/​​​







<<უკან
გააზიარეთ ფეისბუკზე >>