ა.წ. 10 თებერვალს, ივანე ბერიტაშვილის ექსპერიმენტული ბიომედიცინის ცენტრში ჩატარდა მეცნიერ ქალთა და გოგონათა საერთაშორისო დღესადმი მიძღვნილი სამეცნიერო სემინარი. სემინარზე წარდგენილი იყო ორი მოხსენება:

1.    „უჯრედული თერმული წანაცვლების მეთოდით ინოზიტოლის სამიზნე ცილების იდენტიფიკაცია, ეპილეფტოგენეზის პრევენცია“(მიმდინარე კვლევა), მომხსენებელი - ცენტრის ბიოქიმიური ნეიროფარმაკოლოგიის ლაბორატორიის მეცნიერ-თანამშრომელი ლიკა წვერავა;

2.    „პრეფრონტალური ქერქის ფუნქციის მოდულაცია ბაზალური მსხვილუჯრედოვანი ბირთვის ქოლინერგული და გაემ-ერგული ნეირონებით“. მომხსენებელი - ცენტრის ქცევისა და კოგნიტურ ფუნქციათა ლაბორატორიის მეცნიერ-თანამშრომელი ბარბარე ნოზაძე.

მოხსენებები დიდი ინტერესით მოისმინეს. გაიმართა დისკუსია. შემდეგ ცენტრის თავის ტვინის ულტრა- და ნანოარქიტექტონიკის ლაბორატორიის ახალგაზრდა მეცნიერ თანამშრომელმა ნინო ფოჩხიძემ გააკეთა პრეზენტაცია თემაზე: „ქალი მეცნიერები ბერიტაშვილში“, რამაც აგრეთვე დიდი ინტერესი გამოიწვია.